Le cours d'Occitan

8. Lo temps
(Le temps)

La chifra del jorn : 8

Ochena leiçon 8 uèch Uèch leiçons Uèch corses La chifra uèch

Ecouter la leçon  Lo Temps
Lo Temps
Télécharger :     
Professor: Adieussiatz, Maidon.
Escolana: Adieussiatz monsen Martí.
P: Vas plan, avuèi ?
E: Òc, vau plan.
P: Cal díser que lo temps i fa.
E: Aquò es plan vertat.
P: Quora fa bèl temps, nos sentissèm plan.
E: Coma avuèi !
P: Gara, qu'aqueste matin èra pas aquò !
E: A bon, en me levar fasiá solelh.
P: A cuna ora te levères ?
E: A nòu oras del matin, a p'r aquí !
P: A ! A nòu oras, fasiá solelh !
E: Perqué ? A cuna ora vos levèretz.
P: Ieu me levèri cap a sièis oras del matin. Me lèvi totjorn de matin.
E: Per ieu, nòu oras, es de matin !
P: E ben, a sièis oras e mièja èra nivolós.
E: Mas fòrça nivolós ?
P: L'asuèlh èra plen de nivols, a pro pena se i aviá de solelh.
E: Tan qu'aquò ?
P: Òc-ben, sovent plòu la nuèch.
E: Lo jorn tanben, de còps ?
P: Òc, mas l'estiu, plòu subretot de nuèch.
E: Per bonora, atal lo solelh lusís de jorn.
P: Òc-ben, mas l'ivèrn plòu puslèu de jorn.
E: Qualas son las autras sasons ?
P: Las autras son la prima e la tardor.
E: Ieu, trapi que l'ivèrn plòu pas gaire.
P: Òc-ben, venta o nèva, mai que mai.
E: Mas per la prima e la tardor aquí plòu.
P: Astrosament, cal de pluèja per los coitius.
E: Ieu m'en foti ! Aimi pas la pluèja !
P: E ben ! Es ni cortés, ni polit aquò !
E: Desencusatz ! O sabiái pas ! L'ai ausit díser.
P: Tot çò que se dis, es pas totjorn de díser.
E: Consí, cal díser per èsser cortés ?
P: Cal díser : Ieu m'en trufi.
E: Doncas, m'en trufi dels coitius.
P: Siás pas plan brave pels pageses.
E: Disiái aquò per galejar un pauc.
P: A bon, soi rassegurat !
E: Vau sovent al campèstre, i èri ièr, i torni benlèu deman o deman passat.
P: Ieu i èri ièr passat.
E: Al camp, mànjan pas a la meteissa ora.
P: A la meteissa ora ?
E: A la meteissa ora que nosautres en vila.
P: A bon, e a cuna ora, dejúnan ?
E: Dejúnan a sièis oras e mièja del matin.
P: Dejúnan plan lèu !
E: Se cal mainar de las bèstias.
P: A òc, e a miègjorn per dinnar ?
E: Mànjan cap a una ora manca un quart.
P: A p'r aquí coma ieu.
E: E per sopar mànjan cap a sèt oras del vèspre.
P: E a la miegjornada quora trabàlhan ?
E: Trabàlhan pas qu'a quatre oras del vèspre.
P: E ben, ieu la miegjornada trabalhi a doas oras manca vint.
E: En parlar d'ora, nos cal en anar.
P: Òc-ben, es vertat ! Tornaràs per la novena leiçon ?
E: Solide.
P: Doncas, Adieussiatz Maidon, e al còp que ven ?
E: Òc, Adieussiatz, Monsen Martí, al còp que ven.

Exercices

Pour obtenir la correction de vos exercices par un professeur, envoyer vos réponses à: cours@panoccitan.org.

A - Conjugam lo vèrbe Levar

1. Le matin nous nous levons.
2. Je me lève le matin à huit heures.
3. Elles enlèvent les serviettes de la table.
4. Le soir tu enlèves ton pantalon.
5. Ils lèvent la main pour parler.
6. Vous enlevez les machines du magasin.
7. Tu enlèves l'imperméable en sortant.
8. Quand le jour se lève, c'est beau.
9. Je lève la tête pour voir mieux.
10. Elle enlève les mauvais fruits du plat.

B - Conjugam lo vèrbe Venir

1. Les animaux viennent dans les cultures.
2. Vous venez souvent en ville.
3. Peut être viens-tu cet après midi.
4. Parfois un nuage vient de l'horizon.
5. Je viens de la campagne comme tout le monde.
6. Ici la pluie vient toujours de la ville.
7. Chaque jour vous venez au bureau.
8. Je viens quand il fait soleil dehors.
9. Chez les paysans les animaux grandissent bien.
10. Au printemps, tu ne viens pas beaucoup en ville.

C - Conjugam lo vèrbe Levar au Passé simple (Eissemple: Il enleva : Levèt, Ils levèrent : Levèron)

1. Cet hiver ils ne se sont pas levés à cinq heures.
2. Nous l'an dernier, nous en avons enlevé deux.
3. Cet automne-là tu n'enlevas pas ton short une fois.
4. Le grand père se leva en fin d'après midi.
5. Hier après midi, j'ai enlevé le pull trois fois.
6. L'hiver dernier elle se leva toutes les nuits.
7. Vous vous êtes levés quelques jours à quatre heures.
8. Dans cette histoire, j'ai enlevé le cousin du garçon.
9. C'était difficile, nous levâmes les bras pour rien.
10. Tu enlevas les médicaments de la pièce.

D - Gerondiu (en anar ...)

1. Qual ven manjar a l'ostal ? ...
2. Qual es a beure dins l'aisinador ? ...
3. I a de monde qu'estudia plan ? ...
4. Qual pòt manjar de carnsalada ? ...
5. Cun es que ven amb tu ? ...
6. Qual a trapat lo meu toalhon ? ...
7. Ta femna es una d'aquelas ? ...
8. D'aqueles dròlles n'i a un de teu ? ...
9. En cò del teu avi, i èra ton fraire ? ...
10. Qual s'es fach una estòrça ? ...

E - Negatiu (Pas mai)

1. Ostal - cotèl - aver - aquel
2. Òme - pagés - èsser - aquí
3. Pluèja - nivol - aver - apuèi
4. Trabalh - léser - èsser - aquò
5. Plòure - nevar - ara
6. Caliana - dejunar - cal venir - e mai
7. Tu - aquò - cantar - deman
8. Bragas - magasin - trapar - avuèi
9. Dròlle - lo - cal escotar - aquel
10. Femna - campèstre - anar - aval

Copyright © 2005-2009 panOccitan.org - Tous droits réservés.