Professor: Adieussiatz, Maidon.
Escolana: Adieussiatz monsen Martí.
P: Vas plan, avuèi ?
E: Òc, vau plan e aquela fèsta de familha ?
P: I aviá mai, mon rèire-pepin Jòrdi !
E: D'ont es ?
P: Demòra a Barcelona.
E: A un ostal là-bas.
P: Òc, ten un ostal aval.
E: Aval en Espanha ?
P: Òc en Catalonia espanhòla.
E: Mas perqué disètz ten ?
P: Per que en Oc, en occitan, quora quicòm es de tu, se dis téner e pas aver.
E: Doncas, teni un ostal, e ai un fraire.
P: De fach, es aquò.
E: Alavetz, es un ostal bèl ?
P: Òc-ben, fòrça bèl ! Amb un fum de membres.
E: Combien i a de membres ?
P: Of, un brave manat, sabi pas quant.
E: Sabètz pas quant ?
P: Me rebrembi pas.
E: Consí es aquel ostal ?
P: En dintrar, se tròba un esperal.
E: Chez moi tanben ne teni un.
P: En cò meu tanben, se tròba dins cada ostal.
E: Òc, es vertat.
P: Mas en cò seu, fa vint mètres cairats.
E: Es mai grand qu'en cò meu !
P: E mai qu'en cò meu !
E: Nos, avèm pas que sièis membres.
P: Cal díser Nosautres per afortir lo subjècte.
E: Per eissemple: Nosautres, tenèm.
P: Solide, es tot plen aquò.
E: Alavetz, nosautres avèm sièis membres.
P: Òc-ben, cal díser : Nosautres disèm. Mas cal díser : Nos díson.
|
E: Doncas, ieu me cal díser comme ça ?
P: Òc-ben. Tu, te cal díser atal. Sièis membres disiás ?
E: Òc-ben. Una per far lo manjar,
P: Que non. Pas una mas un.
E: Es vertat. Es un membre, desencusatz.
P: Aquò rai ! Seguís !
E: Mercé, doncas, un per manjar.
P: Aquel se sona la sala de dinnar.
E: Amb un coin cuisine per far lo manjar.
P: En òc, es un aisinador.
E: Puèi, un per se détendre.
P: Per se destesar, escotar la musica els...
E: Òc-ben. Per se destesar.
P: Aquel se sona, la sala d'estar.
E: Puèi, dos membres per dormir,
P: Aqueles se sónan las cambras.
E: E mai un per travailler.
P: Aquel se sona un ofici.
E: E solide tanben, toilettes et salle de bain.
P: Òc-ben, lavatinas e cambra de banh.
E: E vos, consí es en cò vòstre ?
P: En cò meu, es mens classic.
E: Consí aquò ?
P: Lo meu ostal es un ostal solar.
E: Òc ? Es tarrible !
P: Lo plan-pè es un membre bèl, a l'entorn d'una caliana centrala.
E: I a pas de cambra ?
P: Si-ben, mas son a l'estança.
E: M'agradariá fòrça !
P: Es pas tot, mas nos cal arrestar.
E: Òc, es vertat.
P: Tornaràs per la quatrena leiçon ?
E: Solide.
P: Doncas, adieussiatz Maidon, e al còp que ven ?
E: Òc, adieussiatz, Monsen Martí, al còp que ven.
|
