Egipta. Mantuns milièrs de deguns contunhàvan avuèi de matin d'assetjar lo ministèri egipcian del Dintralenc al Caire, al segond jorn d'englosaments escomeses per la mòrt de setanta quatre suportaires tre d'un rescontre de palmaredonda a Pòrt-Saïd dimècres.

Libia. Lo ministre libian de la Justiça, Ali H'mida Achor, afortiguèt ièr que lo seu ministèri anava enquistar sus de cas de borrelatge dins de presons libianas, apuèi d'encusaments dels endreçaments de devesa dels dreches de l'Òme.

Koveit. Lo contrapausament subrançat pels islamistes remportèt una larga victòria a las elegidas legisladoiras anticipadas ièr, mercadas per l'eliminason de las femnas e la desfacha dels desliurals, segon las resultas oficialas poblejadas avuèi.

Russia. Russia chiamèt que contrapausariá lo seu vetò se l'empensa de resolvucion sus Siria, sostenguda pels Occidentals e la Liga araba, èra prepausada tre avuèi al balòte del Conselh de Seguretat, s'ensenhèt de sorga diplomatica occidentala al sèti de las Nacions Asunadas.

Estats Asunats. Lo secretari american a la Devesa, Leon Panetta, jutja que la podedissitat d'un rèd israelenc contra los enzengatges nuclearis iranians tre lo mes d'abrial ganha en cresedoiretat, tornavan de medis americans ièr.