Huitième leçon – Le temps

Le cours.


Huitième leçon – Le temps.

(Eighth lesson – The weather.)


Ecouter la leçon.

(Listen to the lesson.)


Lo temps (le temps / the weather).

Ochena leiçonUèch leiçonsUèch corsesLa chifra uèch.

Lo temps – Le temps.


Adieussiatz, Maidon.

Adieussiatz monsen Martí.

Vas plan, avuèi ?

Òc, vau plan.

Cal díser que lo temps i fa.

Aquò es plan vertat.

Quora fa bèl temps, nos sentissèm plan.

Coma avuèi !

Gara, qu’aqueste matin èra pas aquò !

A bon, en me levar fasiá solelh.

A cuna ora te levères ?

A nòu oras del matin, a p’r aquí !

A ! A nòu oras, fasiá solelh !

Perqué ? A cuna ora vos levèretz.

Ieu me levèri cap a sièis oras del matin. Me lèvi totjorn de matin.

Per ieu, nòu oras, es de matin !

E ben, a sièis oras e mièja èra nivolós.

Mas fòrça nivolós ?

L’asuèlh èra plen de nivols, a pro pena se i aviá de solelh.

Tan qu’aquò ?

Òc-ben, sovent plòu la nuèch.

Lo jorn tanben, de còps ?

Òc, mas l’estiu, plòu subretot de nuèch.

Per bonora, atal lo solelh lusís de jorn.

Òc-ben, mas l’ivèrn plòu puslèu de jorn.

Qualas son las autras sasons ?

Las autras son la prima e la tardor.

Ieu, trapi que l’ivèrn plòu pas gaire.

Òc-ben, venta o nèva, mai que mai.

Mas per la prima e la tardor aquí plòu.

Astrosament, cal de pluèja per los coitius.

Ieu m’en foti ! Aimi pas la pluèja !

E ben ! Es ni cortés, ni polit aquò !

Desencusatz ! O sabiái pas ! L’ai ausit díser.

Tot çò que se dis, es pas totjorn de díser.

Consí, cal díser per èsser cortés ?

Cal díser : Ieu m’en trufi.

Doncas, m’en trufi dels coitius.

Siás pas plan brave pels pageses.

Disiái aquò per galejar un pauc.

A bon, soi rassegurat !

Vau sovent al campèstre, i èri ièr, i torni benlèu deman o deman passat.

Ieu i èri ièr passat.

Al camp, mànjan pas a la meteissa ora.

A la meteissa ora ?

A la meteissa ora que nosautres en vila.

A bon, e a cuna ora, dejúnan ?

Dejúnan a sièis oras e mièja del matin.

Dejúnan plan lèu !

Se cal mainar de las bèstias.

A òc, e a miègjorn per dinnar ?

Mànjan cap a una ora manca un quart.

A p’r aquí coma ieu.

E per sopar mànjan cap a sèt oras del vèspre.

E a la miegjornada quora trabàlhan ?

Trabàlhan pas qu’a quatre oras del vèspre.

E ben, ieu la miegjornada trabalhi a doas oras manca vint.

En parlar d’ora, nos cal en anar.

Òc-ben, es vertat ! Tornaràs per la novena leiçon ?

Solide.

Doncas, Adieussiatz Maidon, e al còp que ven ?

Òc, Adieussiatz, monsen Martí, al còp que ven.


Exercices.

(Exercises.)